25N- DÍA INTERNACIONAL CONTRA A VIOLENCIA DE XÉNERO

Durante a semana previa traballamos varios contos na aula (contos dos cales disfrutamos tamén na visita ao teatro do pasado xoves 17).

 

 

O propio día falamos da violencia e de que non só se manifesta a través do maltrato físico, senón tamén a través das palabras. Chegamos á conclusión de que a maior parte das cousas que nos fan dano e que identificamos como violencia salen das mans: pegar, dar bofetadas, empurrar, ...

Así que buscamos cousas bonitas a facer coas mans. Dunha choiva de ideas saíron cousas tan fermosas como: abrazar, acariñar, tocar o pelo, saúdar, lavar a cara, aplaudir, escalar, ...

Como lembranza desta actividade bailamos e cantamos a canción  de Mamá Cabra: " As mans"

 





E xa para rematar, convertimos as nosas mans en fermosas flores violetas que nos recordarán que TODOS E TODAS SOMOS IGUAIS.

 

STOP VIOLENCIA!!!!

Dereitos dos nenos e das nenas

O 20 de novembro celébrase o Día Internacional dos Dereitos dos Nenos e das Nenas.

Na aula estivemos a falar dos 10 dereitos fundamentais e quedamos moi tristes ao saber que aínda hai nenos e nenas polo mundo aos que non se lles deixa disfrutar destes dereitos.

 

 

Para recordar este día fixemos unha fermosa flor.

 

 

Para elo adornamos uns vasos de iogur con gomets, coloreamos e picamos a nosa flor e logo plantámola no vaso.

 

 

Esperamos que a nosa manualidade para conmemorar o Día dos dereitos dos nenos e das nenas sexa do voso agrado, nós pasámolo pipa realizándoa.

 

Biquiños e apertas para todos e para todas!

TALLERES NA AULA DE 4 ANOS

Durante este curso dedicaremos algunhas sesións semanais á realización de talleres con diferentes temáticas.

Algúns talleres serán con toda a aula (en gran grupo) como poden ser talleres de: cociña, educación emocional, ...

E outros serán en pequenos grupos polos que os nenos e nenas irán rotando de maneira que todos/as pasen por tódolos talleres, como poden ser de: manualidades, actividades matemáticas, motricidade fina e coordinación visomotriz, ...

 

O martes pasado comezamos cos seguintes talleres:

 

- Taller de motricidade fina e coordinación visomotriz: os nenos e nenas xogaron a facer colares, colocar pinzas e cos pinchitos. Primeiro de forma libre e despois seguindo series.

 

 

- Taller de figuras xeométricas: os nenos e nenas xogaron primeiro de xeito libre coas figuras e despois facendo series.

- Taller de expresión plástica: comezamos o noso mural do outono pintando follas e estampándoas en papel contínuo. Recordamos as cores do outono: verde, amarelo, vermello, laranxa e marrón e tamén a que árbores pertencían as follas: vide, nogueira, maceira, pererira, membrillo e figueira.

 

 

Gustáronnos moito os talleres, divertímonos e aprendimos moito. Esperamos que a vós tamén vos gustasen.

 

Bicos e abrazos para todos e para todas!

ESTAMOS NO OUTONO!!!

Durante esta semana estivemos a facer talleres relacionados con esta estación do ano que tanto xogo dá para investigar, manipular, ...

 

Comezamos a semana ... facendo viño!!!

Neste vídeo vimos todo o proceso, máis nós non puidemos realizar tódolos pasos dada a falta de materiais e aparellos. Aínda así, pisamos uvas, deixamos repousar, remexemos e embotellamos. Foi unha gran experiencia e pasámolo pipa!!!

O martes, día da froita, aproveitamos para ver, tocar, ulir e probar diferentes froitas/froitos do outono. Algunhas coñecidas por todos e todas e outras que costou un pouco recoñecer ... E vós? recoñecedes todos os froitos das fotos? Se non é así preguntade ós cativos e cativas que de seguro se lembran dos seus nomes.

E xa para rematar a semana e para recordar formas, cores, ... e traballar un pouco a memoria, a orientación espacial, ... fixemos uns xogos cos bloques lóxicos nos que había que imitar figuras. Foi un éxito!!

 

 

Espero que vos gustasen as actividades tanto como nós disfrutamos con elas. Bicos e apertas para todas e para todos!

BENVIDOS E BENVIDAS Ó NOVO CURSO 2016/17!

Comezou un novo curso, un curso que esperamos sexa tan divertido e ameno coma o pasado.

Vén cargadiño de novidades: novas incorporacións, nova aula, novas mestras e como non, novas no xeito de "traballar" na aula.

Pronto vos iremos amosando as nosas fealidades.

Bicos e apertas para todas e para todos!

ACTIVIDADES MARZO: MULLER TRABALLADORA E SEMANA DA PRENSA

Durante a semana do 7 ao 11 de marzo (semana da prensa) aproveitamos para traballar na aula cos periódicos, revistas e recortes que as familias nos enviastes (MOITAS GRACIAS A TODAS AS FAMILIAS POLO MATERIAL APORTADO): clasificámolos polo nome, contamos as letras do nome de cada un, aprendimos que unha noticia ten un título, un corpo e ás veces fotos, tamén están escritas con diferentes letras,...

Tamén buscamos noticias relacionadas cos animais e coas mulleres, despois clasificámolas en boas e malas noticias e a continuación elaboramos dous murais: nun deles puxemos boas e malas noticias relacionadas cos animais ...

 

... e no outro puxemos as noticias atopadas relacionadas coas mulleres e falamos das profesións que nelas aparecían...

 

Por outra banda, para reforzar a igualdade entre homes e mulleres e a importancia do Día Internacional da Muller (8 de marzo) falamos dos traballos das nosas mamás e do importantes que son para nós e debuxámolas (en grupos de traballo cooperativo). Tamén falamos da importancia de colaborar todos e todas nas labores do fogar.

 

Ademais, tamén amenizamos a semana coa lectura dos seguintes contos:

Pasámolo moi ben e aprendimos moito, esperamos que a vós tamén vos gusten estas actividades. Bicos e apertas para todos e para todas!

TALLER DE SABORES

De todo o que fixemos esta semana, decidimos contarvos o noso taller de sabores, desta volta a decisión foi unánime, e iso que esta semana fixemos un montón de cousas divertidas.

Para o noso taller de sabores trouxemos a aula sal e azucre (sabores salgado e doce) e uns cantos alimentos para clasificar (xamón serrano, patacas fritidas, queixo, osiños de gominola, chocolate e plátano).

 Primeiro probamos o sal e o azucre e falamos dos sabores doces e salgados. O azucre tivo éxito, o sal non tanto... Aínda así, algúns quixeron repetir.

 

 

Despois fixemos as nosas hipóteses sobre qué alimentos considerábamos doces e cales considerábamos salgados. Foi un longo debate, en algúns alimentos non nos dábamos posto de acordo.

 

 

Así que a mellor maneira para saír de dúbidas foi probalo todo e volver a discutir sobre o sabor dos alimentos.

 

Es así foi o noso taller de sabores, gustounos moito esta actividade. Estaba todo moooooi rico!!! Non deixamos nadiña nos platos. Esperamos que a vós tamén vos guste.
Bicos e apertas para todos e todas!

OS NENOS E NENAS DECIDIMOS CONTARVOS...

Hoxe recordamos o que fixemos durante a semana e vimos as fotos que fomos sacando. As que máis nos gustaron foron as fotos da biblioteca e tamén os traballiños que fixemos en equipos. Fixemos unha votación para ver cal publicábamos no blog e mirade o que pasou...

Un empate en toda regla!!!! Así que nesta entrada contarémosvos cousas do noso recuncho da biblioteca e tamén vos falaremos un pouquiño dos nosos traballiños en equipo, en concreto un sobre os animais domésticos e salvaxes.

 

A BIBLIOTECA

Na nosa biblioteca temos moitos libros que miramos a diario, como unha rutina máis da mañá, despois de merendar collemos un conto e miramos as súas follas, ás veces soliños e outras gústanos compartir a "lectura" coas nosas amiguiñas e cos nosos amiguiños.

Temos unha cousa moi clara e é que os libros son os nosos amigos, e como tales, temos que coidalos, non danalos nin golpealos e por suposto nada de rompelos. Tamén sabemos que temos que colocalos ben no seu estante, para ter unha biblioteca ordenada e que os libros estén "contentos".

Dentro da nosa biblioteca temos un par de estantes que dedicamos á temática que estamos a traballar, neste caso: O CORPO. Neles colocamos os libros que sacamos da biblio do cole e tamén aqueles que traemos da casa para compartir cos demáis.

 

 

ANIMAIS DOMÉSTICOS E ANIMAIS SALVAXES

 

Como xa sabedes, estamos nun proxecto sobre protexer os animais e xa durante todo o curso fixemos cousiñas relacionadas con este tema. Desta volta tocounos investigar sobre os animais domésticos e os salvaxes e fixémolo en equipo.

Os nosos equipos son equipos de aprendizaxe cooperativa: cooperamos para aprender e aprendemos a cooperar. Isto é: estamos divididos en equipos de 3-4 membros e de cando en vez reunímonos para realizar algunhas actividades. Nestas reunións témonos que poñer de acordo no que imos a facer e cómo o imos a facer, e todos temos que poñer o noso gran de area para realizar a actividade e que remate con éxito.

Neste caso pintamos unha paisaxe doméstica e outra salvaxe, para elo decidimos que parte pintábamos cada un e qué cores íbamos a utilizar. Despois colocamos os animais domésticos na casa e no establo e os salvaxes na selva, sempre preguntando aos compañeiros se estaban de acordo na nosa decisión. E para rematar, puxemos o nome nos nosos equipos e un debuxo representativo, nomes que escribimos entre os membros do equipo e debuxos que coloreamos tamén entre todos.

 

Aquí estamos traballando en equipo:



 

E aquí os resultados dos nosos traballos:

 

Bicos e apertas para todos e todas!

DÍA DE ROSALÍA (24 DE FEBREIRO)

Onte celebrouse o Día de Rosalía de Castro e nós para conmemoralo escoitamos as cancións do libro Rosalía Pequeniña, cantado por Uxía e aprendimos dúas estrofas do poema Vente Rapasa que se recollen no libro Parece unha rosa.

¡Ai! ¡Que meniña!

Que nena preciosa,

despois de lavada,

parece unha rosa.

E este meniño

que teño no colo,

despois de lavado,

parece un repolo.

Para levar como recordo deste día para a casa, cada un de nós decidiu qué quería facer, se un repolo ou unha rosa. Picamos, dobramos e pegamos e quedáronnos unhas rosas e uns repolos fermosísimos.

Esperamos que a vós vos gusten tanto como a nós.

Bicos e apertas!

BENVIDOS AO NOSO BLOG!

Ola a todas e a todos!

Somos as nenas e os nenos da aula de 3 anos do CPI do Feal e queremos invitarvos a que visitedes o noso blog e disfrutedes coas pequenas cousas do noso día a día.

 

Para comezar contarémosvos que esta semana temos que agradecer a tres alumnas de secundaria que nos fixeron coas súas propias mans uns xoguetes artesáns: MOITAS GRAZAS!

 

Seguimos cos agradecementos... Desta volta queremoslle dar as GRAZAS ás familias de Itziar, Adrián, Lucas Soto e de Paula por participar no III Concurso de Máscaras de Entroido, fixéstedes un gran traballo! Que fermosas as catro!

 

E xa para rematar, contarvos que esta semana estivemos a falar do amor e da amizade, tan importantes nas nosas vidas, limos contos e tamén participamos cos nosos debuxos no Concurso de Declaracións de amor do colexio... Caerá algún premio na nosa aula?

 

Os contos lidos foron:

• Un amor de botón. Pauline Carlioz. Editorial Edelvives.
• Adiviña canto te quero. Sam McBratney. Editorial Kókinos.
• Así es mi corazón. Jo Witek. Bruño Editorial (Cubilete).
• Besos Besos. Selma Mandine. Editorial Jaguar (Miau).
• Te quiero (casi sempre). Anna Llenas. Espasa Libros.

 

E ata aquí o resumo desta semana, esperamos que vos guste.

Bicos e apertas!